Trending News

कोलकोताको गंगासागर मेलाका लागि नेपाली शिविर स्थापना, नेपाली महावाणिज्यदूतद्वारा उद्घाटन

0 Shares

कोलकाता, 12 जनवरी 2021

संयुक्त नेपाली केन्द्रीय सेवा संघको आयोजनामा शुरु भएको नेपाली शिविरले पश्चिम बंगालको कोलकातामा लाग्ने गंगासागर तिर्थ मेलामा आउने नेपालीलगायतका तीर्थयात्रीहरुको सेवा शुरु गरेको छ । नेपाल, भुटान म्यान्मार, सिक्किम, दार्जिलिङ, असम,हिमाचल प्रदेश लगायतका स्थानबाट आउने कतिपय नेपाली तीर्थयात्रीहरुले आफ्नो भाषा बाहेक अरु भाषा नबुझ्ने भएकाले उनिहरुलाई कतिपयले ठग्ने, चोर्ने र बिचल्ली पार्ने गरेकोले संयुक्त नेपाली केन्द्रीय सेवा संघले 1991 सालबाट लगातार मानव सेवाका लागि आउट्रमघाट (बाबुघाट) 2 न. गेट 11 न. मा २४ घण्टा गंगासागर तिर्थयात्री मिलन मेला, शिविर चलाउने गरेको छ । यस वर्षपनि मेला भर्न आउने तीर्थयात्रुहरुको सेवा गर्ने काम शुरु भएको छ ।

गत आईतबार प्रमुख अतिथि नेपाली महावाणिज्यदूत इश्वरराज पौडेलद्वारा उद्घाटन भएको यस शिविरमा नि:शुल्क स्वास्थ्य परिक्षण, औषधि, माक्स, सेनिटाइजर वितरण र  स्वयंसेवक र एम्बुलेन्स पनि परिचालन गरिएको छ । उद्घाटन समारोहमा वाणिज्यदुत विश्वनाथ पनेरु, कर्नल महेश्वर सिंह, कोलकाता महानगरपालिकाका बोरो चेयरमैन राम प्यारे राम, र संघका संस्थापक गणेश कुमार प्रधान, नारायण प्रसाद हुमागाई, अन्तर्राष्ट्रीय हिन्दी परिषद् सचिव महेश सिंह लगायतको विशेष उपस्थिति रहेको थियो ।

त्यसैगरि संघका सभापति गुन्ज श्रेष्ठ, आयोजक अध्यक्ष खिमराज बराल,  उप-सभापति पुर्णबहादुर बिष्ट, महासचिव राम प्रसाद उपाध्याय, प्रमुख सल्लाहकार नरबिक्रम थापा, बद्रीबिक्रम थापा, धनबहादुर भुसाल, सूरज बहादुर छेत्री, हितबहादुर खड्का, बाबुराम शर्मा, चन्द्र बहादुर श्रेष्ठ, परशुराम सिक्देल, बिष्णु बस्याल, बिष्णु छेत्री, महिला सदस्यहरू रमा शर्मा पौडेल, रमिता कार्की सिंह, रिता शर्मा, गिता शर्मा, गंगा बुद्ध, सान्ता श्रेष्ठ, प्रमिला श्रेष्ठ, गिता श्रेष्ठ, गिता कोइराला, रुकमणी श्रेष्ठ, जुनेली छेत्री, संगीता खड्का, डा. मिथ्लेस बर्मन, नर्स मिठु सिंह, गायत्री,  र गिता लगायतको सहयोगले तीर्थयात्रामा आउने श्रद्धालुहरुलाई स्वास्थ्य सेवा सहित अन्य सेवाहरु गरिरहेका छन ।

गंगा नदी सागरमा मिलेको स्थान पश्चिम बंगालको सागरद्वीपमा गंगा सागर मेला हरेक वर्ष लाग्ने गर्दछ । यस मेलालाई कुम्भपछिको दोस्रो ठूलो मेला भनिन्छ । यहाँ ठूलो संख्यामा भक्तालुहरु आएर स्नान गर्ने गर्दछन ।