Trending News

ताइवानमा भयानक रेल दुर्घटना, 50 जनाको मृत्यु

0 Shares

ताइवान, 3 अप्रिल 2021

ताइवानमा रेल दुर्घटना हुँदा ५० जनाको मृत्यु भएको छ भने केही घाइते भएका छन् । सुरुङमार्गमा गुडिरहेको रेल लिकबाट बाहिरिएर दुर्घटना भएको अन्तराष्ट्रिय संचार माध्यमले जनाएको छ । लिक छोडेपछि सो रेल एक लरीसँग ठोक्किएको थियो । कम्तीमा ३५० यात्रु बोकेर राजधानी ताइपेईबाट ताइटङ शहर जाँदै गरेको रेल सुरुङमार्गमा दुर्घटना भएको हो ।

रेल स्थानीय समयअनुसार शुक्रबार बिहान ९ बजे दुर्घटना भएको  जनाकारी आएको छ । दुर्घटनाका कारण रेलका डिब्बाहरूमा ठूलो क्षति पुगेको छ भने ७२ जना सुरुङभित्रै थुनिएका छन् । उनीहरूको उद्धारकार्य जारी रहेको त्यहाँको सेन्ट्रल इमरजेन्सी अपरेसन सेन्टरले जनाएको छ । ताइवानका राष्ट्रपति साइ इङ्ग उनले एक विज्ञप्ती जारी गर्दै फसेकाहरुको उद्धार कार्यलाई उच्च प्राथमिकता दिइएको बताएका छन् ।

स्थानीय सञ्चारमाध्यमका अनुसार मर्मतका लागि राखिएको एउटा सवारी खस्दा रेल लिकबाट बाहिर निस्केकाले दुर्घटना भएको हो । रेलमा रहेका अधिकांश यात्रुहरु ‘टम्ब स्विपिङ’ पर्व मनाउन आएका पर्यटक रहेको अनुमान गरिएको छ । दुर्घटनाको थप विवरण आउन बाँकी रहेको छ ।