Trending News

युनाइटेड को अपरेटिभको दोस्रो साधारणसभा सम्पन्न

0 Shares

दिल्ली, 20 जून 2022

दिल्लीमा रहेका नेपालीहरूले चलाएको युनाइटेड को अपरेटिभले आइतबार दोस्रो साधारणसभा सम्पन्न गरेको छ । प्रवासी नेपालीहरू संगठित भएर को अपरेटिभ चलाएका हुन् । भारत प्रवासमा रहेका नेपाली समूदायलाई पेसा व्यवसाय र आवश्यक पर्दा सस्तो दरमा,ऋण उपलब्ध गराउने उद्देश्य युनाइटेड को अपरेटिभको छ । नेपालीहरूबीच एकता कायम गराउन सुख दुःखमा जोडिन, एक-ले अर्कालाई सरसहयोग पुर्‍याउन पनि, सहकारीको प्लेटफर्मले सहयोगी भूमिका खेलेको संस्थाका संयोजक देवेन्द्र कुँवरले बताए । कार्यक्रममा प्रमुख अतिथि नेपाली दूतावासका काउन्सिलर यदुनाथ पौडेलले जेसुकै कारणले आफ्नो भूमि छाडेर भारत आएका नेपालीको आर्थिक पाटोमा को अपरेटिभ संस्थाले सहयोग पुर्‍याउने विश्वास व्यक्त गरे । उनले विदेशमा रहेका नेपालीले अनुशासन र मर्यादा ख्याल तथा सम्बन्धित देशको विधि विधानमा रहेर काम गर्न सुझाए । उपस्थित अन्य अतिथिहरुले पनि संस्थाको उज्जवल भविष्यको कामना गरेका थिए।