Trending News

रवी लामिछानेद्वारा ‘राष्ट्रिय स्वतन्त्र पार्टी’ घोषणा

0 Shares

काठमाडौं, 21 जून 2022

पत्रकारीता छाडेर राजनितिमा लाग्नुभएका रवी लामिछानेले ‘राष्ट्रिय स्वतन्त्र पार्टी’ नामक दल घोषणा गर्नुभएको छ । मंगलबार काठमाडौंमा एक कार्यक्रमको आयोजना गर्दै लामिछानेले आफु अन्य कुनै पार्टीमा प्रवेश नगर्ने भन्दै ‘राष्ट्रिय स्वतन्त्र पार्टी’ नामक दल घोषणा गर्नुभएको हो । उहाँले पार्टीको प्रस्तावित चुनाव चिन्ह घण्टी समेत सार्वजनिक गर्नुभयो  । लामिछानेले आफ्नो पार्टीले प्रत्यक्ष निर्वाचित प्रधानमन्त्री र मुख्यमन्त्रीको प्रावधान अबलम्वन गर्ने बताउनुभयो । निर्वाचनमा राइट टु रिकल को व्यवस्था पनि आफ्नो पार्टीको अवधारणा रहेको उहाँले बताउनुभयो । कार्यक्रममा लामिछानेले क्षमता भएका युवाहरूलाई पार्टीमा आवद्ध हुन आह्वान गर्दै पार्टीको माथिल्लो तहसम्म पुग्ने अवसर सिर्जना गर्ने प्रतिवद्धता जनाउनुभयो । लामिछानेले व्यवस्था नभई अवस्था बदल्नका लागि राजनीतिमा लागेको बताउनुभएको छ । उहाले राजनीतिलाई सफा गर्न राजनीतिमा आएकाले आफू र आफ्नो पार्टीलाई आउँदो प्रदेश र संघीय चुनावमा हार्ने छुट नभएको पनि धारणा राख्नुभयो ।