Trending News

आजको नेसनल पोलिटिक्स दुइटा पोलमा छ : पोखरेल

0 Shares

काठमाडौं, 30 सितंबर 2022

एमाले वरिष्ठ उपाध्यक्ष ईश्वर पोखरेलले राष्ट्रिय राजनीति दुई ध्रुवमा बाँडिएको बताएका छन् । दसैंका अवसरमा शुक्रबार आयोजित शुभकामना आदानप्रदान कार्यक्रममा वरिष्ठ उपाध्यक्ष पोखरेलले राजनीतिको एउटा ध्रुव एमाले र अर्को ध्रुव गठबन्धनले नेतृत्व गरेको बताएका हुन् ।

उनले भने, ‘आजको नेसनल पोलिटिक्स दुइटा पोलमा छ । एउटा देश बनाउने सपनाको पोल एमालेले लिड गरेको छ । गठबन्धनले अर्को लिड गरेको छ । कुन पोलमा जाने जनताले निर्णय गर्नु पर्छ । हाम्रा पनि कमीकमजोरी होलान् ।’

राज्यका सबै अंग ‘प्यालाइज्ड’ र विधायिक ‘फंक्सनलेस’ भएको पनि पोखरेलको भनाइ छ । पोखरेलले कुनै पनि नेता र पार्टीका बारेमा सोलोडोलो निष्कर्षमा नपुग्न पनि नेता/कार्यकर्तालाई सुझाव दिए ।