Trending News

बाँस्कोटा कमिशन प्रकरणबारे विप्लवको आरोप : ओलीका असली ‘चेला’को काण्डले देश लज्जित छ

17 Shares

काठमाडौं, २२ फरवरी, २०२०

नेत्रविक्रम चन्द विप्लव समूहले गोकुलप्रसाद बाँस्कोटाको कमिशनको अडियो प्रकरणलाई लिएर प्रधानमन्त्री केपी शर्मा ओलीका असली ‘चेला’ले देश लज्जित भएको टिप्पणी गरेको छ ।

शुक्रबार विज्ञप्ति जारी विप्लव नेकपाले ओली नेतृत्वको सरकार घुसखोरी काण्डलाई ढाकछोप गर्न खोजेको आरोप लगाएको छ ।

‘विप्लव’ले प्रेस विज्ञप्ति जारी गर्दैे घटनाको निष्पक्ष छानविनको माग पनि गरेका छन् ।

यसअघि बिहीबार सञ्चारमन्त्री गोकुल बाँस्कोटाले सेक्युरिटी मेसिन खरिद प्रक्रियाका क्रममा एजेन्टसँग कमिसनको बार्गे्निङ गरेको अडियो सार्वजनिक भएको थियो । लगत्तै, उनले पदबाट राजीनामा दिएका थिए । उनले भनेका छन् ‘देशको सुरक्षा संवेदनशीतासँग जोडिएको मुद्दामा प्रम ओलीको असली चेलाको यो काण्डले देश नै लज्जित छ ।’

‘सिंगो देशले उनको कारबाहीको माग गरिरहेको छ’, विप्लवले भनेका छन्, ‘तर, प्रम केपी ओली स्वयम् भ्रष्ट मन्त्री बाँस्कोटालाई बचाउन र घुसखोरी काण्डलाई ढाकछोप गर्न लागि रहेका छन् ।’

उनले ओली सरकारलाई भ्रष्ट, कमिसनखोर र राष्ट्रघातीको संज्ञा दिँदै सरकारको बर्खास्तीका आ–आफ्नो मोर्चाबाट उत्रिन पनि अपिल गरेका छन् ।