Trending News

असम भागोपको नवनिर्वाचित आठौं कार्यसमितिद्वारा शपथ ग्रहण

0 Shares

गुवाहाटी, १४ मार्च

भारतीय गोर्खा परिसंघ असम राज्यको आठौं कार्यसमितिका नवनिर्वाचित सदस्यहरुले शनिबार गुवाहाटी, नारेङ्गीस्थित एल.जी. टावर परिसरमा शपथ ग्रहण गरेका छन । भारतीय गोर्खा परिसंघ असम राज्यिक समितिको आठौं नव-निर्वाचित पदाधिकारीहरूलाई भागोप राष्ट्रीय उपाध्यक्ष नित्यानन्द उपाध्यायले शपथ ग्रहण गराउनु भएको हो ।

आठौं भागोप असम राज्यिक समितिमा सभापतिको रूपमा प्रकाश दाहाल, कार्यकारी सभापतिको पदमा ललित सुब्बा र मूल-सचिवको पदमा विमल प्रधानले भागोप संविधानप्रति आस्था राख्दै शपथ लिए। त्यसै सभामा मोठ 21 जना सदस्य – सदस्याहरूलाई पनि शपथग्रहण गराईएको छ।


यस सभामा विगत 15 र 16 फरवरी, गुवाहाटीमा सम्पन्न राष्ट्रीय परिषद सभाको आय-व्ययको व्योहोरा पनि प्रस्तुत गरियो । त्यसलाई सभाले सर्व-सम्मतिकोसाथ अनुमोदन गरेको छ। अन्तमा, भागोपको राष्ट्रीय अवधारणालाई अक्षुण्ण राख्दै असमको विभिन्न जिल्लाहरूमा जिल्लास्तरीय शाखा समितिहरू खोली भागोपको प्रचार-प्रसार लगायत असमेली गोर्खाहरूको जातीय समस्याहरूको समाधान सुत्र खोज्ने निर्णय पनि नव-निर्वाचित समितिले लिएको छ ।

उक्त सभामा विभिन्न जिल्लाहरूबाट 60 भन्दा बढ़ी प्रतिनिधिहरूको जमघट भएको थियो।