Trending News

कोरोनो प्रकोपले मथुरामा 250 नेपाली अलपत्र, बसपार्कमा विचल्ली

7K Shares

मथुरा, 21 मार्च

कोरोना भाइरसको प्रकोपका कारण नेपाल फर्किन खोजेका करिब  2 सय 50 जना अहिले उत्तर प्रदेशको मथुरामा फसेका छन । भारतमा कोरोनाको प्रकोपलाई कम गर्ने उद्धेश्यका साथ भोली आईतबार जनता कर्फ्युको आह्वान गरिएका बेला आज नेपाल फर्किन खोजेका 2 सय 50 जना मथुराको बसपार्कमा फसेका हुन । कैलाली स्थायी घर भएका माइकल बिष्टले आफुहरु 2-3 सयको संख्यामा नेपालीहरु मथुरामा फसेको र कुनैपनि गाडीहरु जान नमानेको बताउनुभएको छ । बिष्टले हैदराबाद र महाराष्ट्रका विभिन्न स्थानबाट मथुरा हुँदै सुदुर पश्चिमको कैलाली जान खोजेका नेपालीहरु बसपार्कमा रहेको बताउनुभयो ।

केही बस सञ्चालकहरुले चर्को मूल्य मागिरहेको उनिहरुको भनाई छ । उनिहरुले केही समय काम गरि कमाएर ल्याएको जति पैसाँ बसवालाले मागिरहेको उनिहरुको भनाइ छ । नेशनल लाईव टीवीलाई फोन गर्दै उनिहरुले नेपाली दुतावास मार्फत आफुहरुलाई घर फिर्तीको वातावरण बनाईदिन आग्रह गरेका छन । तपाईहरु भिडीयोमा पनि देख्न सक्नुहुन्छ, बसपार्कमा भएको यो भेला केवल नेपालीहरुको हो । उनिहरु कैलालीका लागि बसको पर्खाई गरिरहेका छन । तर कुनै बसले पनि जान मानेका छैनन । सामान्य रुपमा मथुराबाट ठूलो संख्यामा कैलालीका लागि बस चल्ने भएता पनि अहिले बस चल्न मानेका छैनन ।