Trending News

न्युजिल्यान्डले जित्यो कोरोनालाई, अन्तिम संक्रमित पनि अस्पतालबाट डिस्चार्ज

252 Shares

एजेन्सी, 9 जुन 2020

पुरै विश्व कोरोना महामारीका कारण आक्रान्त बनेका बेला न्युजिल्यान्डले भने कोरोना संक्रमण मुक्त भएको छ । कोरोना महामारीको खतरालाई शुरुवातमै आकलन गर्न सकेकाले आज न्युजिल्यान्ड कोरोना मुक्त भएको छ । अस्पतालमा उपचारार्थ कोरोनाका अन्तिम संक्रमित व्यक्ति संचो भएर सोमबार अस्पतालबाट डिस्चार्ज भएपछि न्युजिल्यान्डले राहत पाएको छ ।

पछिल्लो 17 दिनमा देशमा कोरोना संक्रमणको नयाँ मामिला भेटिएको छैन । न्युजिल्यान्डकी प्रधानमन्त्री जेसिन्दा अर्डनले सोमबार घोषणा गर्दै अब देशमा कोरोना संक्रमण शून्य भएको बताइन् ।

समाचार एजेन्सी रोयटर्सका अनुसार न्युजिल्यान्डकी प्रधानमन्त्रीले सामाजिक र आर्थिक प्रतिवन्ध हटाँउदै अब देश समान्य अवस्थामा आउने बताएकी छिन । उनले हामीले कोरोनालाई शून्यमा झारे पनि यसविरुद्धको कामहरु जारी रहने बताइन् ।

उनले भनिन ” देशमा कोरोनाको संक्रमण शून्य भए पछि मैले खुशी भएर डान्स गरे । ”

विश्वभर कोरोनाका कारण 72 लाख 364 जना संक्रमित भएका छन भने अहिलेसम्म 4 लाख 8 हजार 744 जनाले ज्यान गुमाएका छन ।

न्युजिल्यान्डमा भने 1 हजार 154 जना मात्रै संक्रमित भएका थिए । 50 लाख जनसंख्या भएको न्युजिल्यान्डमा 22 जनाको ज्यान गएको छ ।

न्युजिल्यान्डले आफ्नो देशमा संक्रमण फैलिन नदिन कठोर कदम चालेको थियो । प्रधानमन्त्रीले शुरुवातमै देशको सीमाहरु सील गरेर कडा नियमहरु लागु गरेकी थिइन ।