Trending News

कविता: माया त मीठो अनुभूती हो, सबैलाई चाहिन्छ !

195 Shares

“माया”
न दिएर रित्तिन्छ
न मागेर पाईन्छ
माया त मिठो
अनुभूति हो हेर
जुन तिमी म र हामी
सबैलाई चाहिन्छ।।

माया रिसमा पनि
मिसिएर आउँछ कि
खुशीमा मात्र गाँसिएर
यो कुनै सिमानाभित्र
बाँधिएर बस्दैन रहेछ
माया त हृदयको
ढुकढुकि बनेर
नशा-नशामा बग्ने
रगत झै फैलिदो
रहेछ पुरै शरीरभरी
जसरी तुवाँलो लागेको
आकाश ,घामको थोरै
स्पर्श मात्र पाउँदा नि
छर्लङ्ग उज्यालो हुन्छ
हो, त्यसैगरी मायाले
जीवनमा उज्यालो
रङ्ग छर्दोरहेछ।।।

न चाहेर किन्न सकिने
न कसैसँग खोस्न सकिने
न मुहारमा गएर टक्क
अडिने,न गर्दिन भो
अब भनेर हराउने
न बिर्सिन सकिने
न सम्झेर साथमा
नै राख्न मिल्ने
माया त मृगतृष्णा
पो रहेछ,जो पाउने
आशैआशमा जीवन
व्यतीत भईजाने ।।।।

शारदा चौलागाईं काठमाण्डौ