Trending News

भ्रष्टाचारविरोधी उपसचिव प्रेमप्रसाद सञ्जेलमाथि कर्मचारीद्वारा कार्यकक्षमै कुटपिट

25 Shares

मोरङ, 1 अगस्त 2020

भ्रष्टाचारविरोधी भनेर चिनिएका श्रम तथा रोजगार कार्यालय विराटनगरका प्रमुख उपसचिव प्रेमप्रसाद सञ्जेलमाथि कुटपिट भएको छ। उहाँमाथि दुईजना कार्यालय सहयोगी महिला कर्मचारीले कार्यकक्षमै कुटपिट गरेका हुन्।  जिल्ला प्रहरी कार्यालय मोरङका प्रहरी उपरीक्षक सन्तोष खड्काले कुटपिटमा संलग्न भएको आरोपमा नेत्रा भट्टराई र मेनुका सापकोटा कोइरालालाई नियन्त्रणमा लिएको बताउनुभएको छ।

प्रहरीले प्रेमप्रसाद सञ्जेलले फोन गरेर आफूमाथि कुटपिट भएको जानकारी दिएपछि प्रहरी टोली गएर दुईजना महिला कर्मचारीलाई नियन्त्रणमा लिएको जनाएको छ । प्रहरी उपरीक्षक खड्काले ड्युटीको विषयमा विवाद भएपछि हातपात भएको बताएको छ ।

सञ्जेलले ड्युटी गर्न नमानेका 2 जना कर्मचारीलाई ड्युटी गर्नुपर्छ भन्दा उनिहरुले आज बिहान साढे ११ बजेतिर कुटपिट गरेको प्रहरी उपरीक्षक खड्काले बताउनुभयो ।

कुटपिट गरेको आरोप लागेका कर्मचारीहरूले भने सञ्जेलले बढी काममा लगाउने गरेको र अनावश्यक गालीगलौज पनि गर्ने गरेको बताएका छन्।

भट्टराई र सापकोटाले चप्पल, पञ्चिङ मेसिनलगायतले सञ्जेललाई कुटपिट गरेको खुलेको प्रहरीले जनाएको छ।