Trending News

सुशान्त सिंह राजपूत आत्महत्या प्रकरणः औषध नियन्त्रण ब्यूरोद्वारा रिया चक्रवर्ती पक्राउ

12 Shares

नयाँ दिल्ली, 8 सेप्टेम्बर

बलिवुड अभिनेता सुशान्त सिंह राजपूतको आत्महत्या मामिलामा अभियुक्त मानिएकी रिया चक्रवर्ती पक्राउ परेकी छिन । लागू औषध नियन्त्रण ब्यूरो NCB को टिमले रिया चक्रवर्तीलाई पक्राउ गरेको हो । सुशान्त सिंह राजपूतको आत्महत्याको मुद्धामा केन्द्रीय अनुसन्धान ब्युरोले जाँच गर्न थालेपछि यसमा लागु औषधको मामिला पसेको थियो । जहाँ रिया चक्रवर्ती लागु औषधको सेवन गर्नुका साथै त्यसको कारोबार पनि गर्ने गरेको खुलासा भएको थियो । NCB ले पछिल्लो 2 दिनदेखि रियासँग सोधपुछ गरिरहेको थियो । आजपनि NCB ले रियालाई सोधपुछका लागि मुम्बईस्थित आफ्नो कार्यालयमा बोलाएको थियो । रिया चक्रवर्ती स्वर्गीय अभिनेता सुशान्त सिंह राजपूतकी प्रमिका थिइन । सुशान्त सिंह राजपुतको शव गत 14 जुन 2020 मा मुम्बइको बान्द्रा पश्चिमस्थित आफ्नो फ्लैटमा आत्महत्या गरेको अवस्थामा फेला परेको थियो । मुम्बइ पुलिसले उनले आत्महत्या गरेको बताउदै आएपनि रियाका आफन्तजन र समर्थकहरुले उनको हत्या गरिएको भन्दै केन्द्रीय अनुसन्धानको माग गर्दै आएका थिए । समर्थकहरुले आत्महत्या मामिलामा रिया चक्रवर्ती नै दोषी भएको हुनुपर्ने आरोप लगाउँदै आएको थियो । घटनाको छानविन शुरु भएपछि सबै अनुसान्धान एजेन्सीले पहिलो आशंका रिया चक्रवर्तीमाथिनै अनुसन्धान केन्द्रीत गरेका छन ।