Trending News

चार वर्षे कार्यकाल सकेर कुलमान घिसिङको विदाई

3 Shares

काठमाडौं,15 सेप्टेम्बर 2020

नेपाल विद्युत प्राधिकरणमा चार वर्ष नेतृत्व पुरा गर्नुभएका कार्यकारी निर्देशक कुलमान घिसिङलाई प्राधिकरणले विदाई गरेको छ। प्राधिकरणका कर्मचारीहरुले मंगलबार एक कार्यक्रम आयोजना गरी घिसिङलाई बिदाई गरेका हुन। घिसिङको चार वर्षे कार्यकाल भदौ २८ गते मध्यरातबाट सकिएको छ। बिदाई कार्यक्रममा बोल्दै घिसिङले एकजना कार्यकारी निर्देशकले मात्रै सबै कामको जस लियो भन्ने कुरा गलत भएको बताउनुभयो। घिसिङले अहिले सम्म कहिं कतै बोल्दा आफुले मात्रै क्रेडिट लिने गरी नबोलेको समेत प्रस्ट पार्नुभयो। उहाँले प्राधिकरणका सबै कर्मचारी, मन्त्रालय, सरकार, रानजनीतिक दल सबैको समुहिक प्रयासबाट मात्रै लोडसेडिङ हटाउन र प्राधिकरणलाई नाफामा लैजान सफल भएको दोहोर्याउनु भयो। तर प्राधिकरणको हितको लागि आफुले केही कुरामा अडान लिएको पनि घिसिङले बताउनुभयो। आफुले लिएको अडानबाट गर्न नसकिने र गर्न नहुने कामको बास्तविकता समेत देखाउन सफल भएको पनि उहाँले बताउनुभयो। जुन कुराले संस्थालाई हित गर्दैन त्यो कुरामा आफुले स्ट्याण्ड लिदा आफुले मात्रै क्रेडिट लिन खोज्यो भन्नु गलत भएको पनि उहाँले बताउनुभयो। तरपनि चार वर्षमा नागरिक, सरकार र प्राधिकरणका सबै कर्मचारीको सहयोगले संस्थाको हितका लागि काम गर्न सकेको बताउनुभयो ।

विदाई कार्यक्रममा घिसिङले प्राधिकरणको कार्यकारी निर्देशकको नियुक्ती माथि जनचासो बढ्नु पनि उपलब्धी भएको बताउनुभयो । यद्यपी घिसिङले एकै जना व्यक्ति सधै प्राधिकरणको कार्यकारी रहिरहनु पर्छ भन्ने पक्षमा नरहेको पनि स्पस्ट पार्नुभयो । धेरै व्यक्ति वा कर्मचारीहरु प्राधिकरणलाई नेतृत्व दिन सक्ने अवस्थामा पुगेकाले भविश्यमा प्राधिकरणको साखः अझ बढ्ने विश्वास समेत घिसिङले व्यक्त गर्नुभयो । सरकार र राजनीतिक नेतृत्वको मार्गदर्शन अनुसार सबै कर्मचारीले काम गर्दा यो तहसम्मको सफलता पाएकोले अवको दिनमा पनि प्राधिकरण थप सबल बन्दै जाने विश्वास पनि घिसिङले गर्नुभयो । २०५१ सालमा सातौं तहको इन्जिनियरबाट नेपाल विद्युत प्राधिकरणमा प्रवेश गर्नुभएका घिसिङ २०७३ भदौ २९ गते प्राधिकरणको कार्यकारी निर्देशकमा नियुक्त हुनुभएको थियो । उहाँको विदाई भएसँगै अबको कार्यकारी निर्देशकमाको आउँछ भन्ने विषय भने बाँकी नै छ । आम नागरिक तहमा भने फेरीपनि कुलमान नै प्राधिकरणमा आए हुन्थ्यो भन्ने आकांक्षा देखिन्छ ।