Trending News

भारतमा पहिलो पटक दिल्ली एनसीआर लाईभ दोहोरीमा, खानाको स्वादसँगै दोहोरीको आनन्द

122 Shares

नयाँ दिल्ली, 1 अक्टोबर

नेपाली लोक-कलालाई संरक्षण गर्दै प्रवासमा रहेका नेपालीहरुको मनोरञ्जनका लागि नेशनल लाईभले शुरु गरेको दिल्ली एनसीआर लाईभ दोहोरी कार्यक्रममा यो शनिवार नेपाली राष्ट्रीय कलाकारहरुको उपस्थिति रहने भएको छ ।

दिल्ली नजिक गुरुग्रामको एमजी रोडस्थित प्लाजा मलमा यही शनिवार (3 अक्टोबर) र आइतवार (4 अक्टोबर) नेपाली राष्ट्रीय कलाकारहरुले लाईभ प्रस्तुति दिनेछन । नेशनल लाईभको दिल्ली एनसीआर लाईभ कार्यक्रमको उद्धेश्य प्रवासी प्रतिभालाई अवसर दिनु रहेको भएपनि दर्शकहरुको आग्रहमा अहिले राष्ट्रिय कलाकारहरुलाई बोलाइएको हो । कार्यक्रमका लागि नेपालबाट 6 जना कलाकारहरुले प्रस्तुति दिनेछन । कार्यक्रममा गायक नारायण बीपी, नन्दु परियार र गायिकाहरुमा विष्णु श्रीपाली र अनु रानाले प्रस्तुति दिनेछन ।

सिमीत संख्यामा कार्यक्रम गरिने भएकाले कार्यक्रममा सहभागी हुन चाहनेहरुले दिल्ली एनसीआर लाइभ दोहोरी कार्यक्रमको व्यवस्थापन टिमलाई सम्पर्क गरि आउन आग्रह गरिएको छ । त्यसका लागि मोबाइल नम्बरहरु 85-888-3-8888, 98-713- 35-448, र 98-113- 626-46 मा फोन गर्न सक्नुहुनेछ ।