Trending News

बेङ्गलोरदेखि गोैरीफण्टा जाने क्रममा भएको बस दुर्घटनाको ताजा जानकारी, हात गुमाएका घाइतेको तेलंगानामा उपचार चल्दै

7K Shares

बेङ्गलोर, 15 अक्टोबर 2020

बेङ्गलोरदेखि घर जाने क्रममा दुर्घटनामा परि हात गुमाएका अशोक सुनारको तेलंगाना राज्यको अदिलाबाद जिल्लास्थित राजीव गान्धी अस्पतालमा उपचार चलिरहेको छ । बेङ्गलोरदेखि गौरीफण्टा जाँदै गरेको बेला बुधवार साँझ करिब 3 बजे एक लोरीले बसलाई ओभरटेक गर्न खोज्दा कञ्चनपुरको बेलडाँडीका अशोक सुनारको हात चुडिएको छ । उनको अहिले राजीव गान्धी अस्पतालमा उपचार चलिरहेको छ । बेङ्गलोरदेखि 30 जना यात्रु बोकेर गौरीफण्टा गइरहेको विनायका ट्राभलको बस हिजो अदिलाबादमा दुर्घटनामा परेको हो । बसका सञ्चालक जनेश्वर जोशीका अनुसार लोरीले ओभरटेक गर्न खोज्दा दुर्घटना भएको र त्यसमा बसको कुनै गल्ती नभएको बताएका छन । दुर्घटनाका घाईतेलाई भेट्न आज अदिलाबाद पुगेका जोशीका अनुसार दुर्घटनामा एक जनालाई मात्रै चोट लागेको र हिजोनै बाँकी यात्रुहरुलाई अर्को बस गरि नेपाल पठाइएको बताउनु भएको छ । लोरीको गल्तीका कारण बसका यात्रु घाईते भएकाले उनलाई क्षतिपुर्ती दिलाउने प्रयास भइरहेको जोशीले बताउनु भएको छ । पुलिसले लोरीका सबै कागजात जफत गरि लोरीलाई पनि नियन्त्रणमा लिएको बताउनुभएको छ ।