Trending News

कञ्चनपुरको पुनर्बासमा बन्चरोले हानेर छोराले गरे आमाको हत्या

10 Shares
कञ्चनपुर, 25 अक्टोबर, हिम शाह
कञ्चनपुरको पुनर्वास नगरपालिका वडा नम्बर ३ स्थित सुकुम्बासी बस्तीमा बस्दै आएका ३० वर्षीय पप्पु वादीले ६० वर्षीया आमा पार्वतीको बन्चरोले हानेर हत्या गरेको जिल्ला प्रहरी कार्यालय कञ्चनपुरले जनाएको छ । शनिबार राति घरायसी विवाद हुँदा छोराले आमालाई बन्चरो प्रहार गरेको जिल्ला प्रहरी कार्यालयका प्रवक्ता प्रहरी नायब उपरीक्षक अमरबहादुर थापाले जानकारी दिए । छोराको आक्रमणबाट गम्भीर घाइते भएकी पार्वतीको सेती प्रादेशिक अस्पतालमा उपचारका क्रममा मृत्यु भएको प्रहरी नायब उपरीक्षक थापाले बताए । आमाको हत्या गरेका पप्पुलाई नियन्त्रणमा लिइ कारबाहीको प्रक्रिया अघि बढाइएको उनले बताए ।