Trending News

दिल्लीमा आत्महत्या गरेका नेपाली विद्यार्थीको पोस्टमार्टमपछि शव नेपाल पठाइयो

0 Shares

नयाँ दिल्ली, 22 जनवरी 2021

भारतको राजधानी दिल्लीमा आत्महत्या गरेका सीए अध्ययनरत नेपाली विद्यार्थी मदन भण्डारीको शव आज नेपाल पठाइएको छ । गुल्मीको चन्द्रकोट गाँउपालिका वडा नम्बर-7 रुपाकोटका वासिन्दा अन्नतराम भण्डारीका छोरा मदन भण्डारीको शव उनि बस्ने दिल्लीको लक्ष्मीनगरस्थित कोठामा बुधवार साँझ झुण्डिएको अवस्थामा फेला परेको थियो।

आज पोस्टमार्टमपछि शवलाई एम्बुलेन्समार्फत नेपाल पठाइएको हो । घरबाट कोही आउन सक्ने अवस्था नभएपछि गाउँपालिकाको सिफारिसका आधारमा नेपाली दूतावासले सहजता गरिदिएपछि शव नेपाल पठाइएको हो । यसक्रममा प्रवासी नेपाली मित्र मञ्चका महासचिव रघुनाथ पाण्डे, प्रवासी नेपाली संघ भारतकी उपाध्यक्ष सिता अधिकारी, खेमलाल भण्डारी, सिता बस्याललगायतले दिल्लीबाट र प्रवासी नेपाली संघ भारतका अध्यक्ष लोकनाथ भण्डारी र केन्द्रीय सदस्य एंव “मदन भण्डारी स्पोर्ट्स एकेडेमी ईन्डिया” का इन्चार्ज गोपाल थापाले सहयोग गरेका थिए ।

3 दिनदेखि घर परिवारको सम्पर्कमा नरहेका मदन 20 तारिख राति कोठामा आत्महत्या गरेको अवस्थामा फेला परेका थिए । स्थानियका अनुसार मदनले 19 तारिकको दिँउसो बाहिर आएर चिया पिएको देखेको तर त्यसपछि उनलाई नदेखेको बताएका कारण 19 तारिखको राति उनले आत्महत्या गरेको अनुमान गरिएको छ ।

घरका आफन्त नभएका कारण पुलिस कारवाही हुन सकेको थिएन । हिजो साँझ गाँउले भाई भनिएका राजन भण्डारी पुलिस थाना पुगेपछि आज पोस्टमार्टम भइ शव नेपाल पठाइएको हो । मानसिक तनावका कारण मदन भण्डारी आत्महत्या गरेको सुसाईड नोटमा लेखेका छन । उनि बसेको कोठा फोहर हुनुका साथै सर-सामानमा धुलै-धुलो लागेकाले उनि तनाव भएको हुन सक्ने प्रवासी नेपाली संघकी उपाध्यक्ष सिता अधिकारीले आशंका व्यक्त गर्नुभयो ।

मृतक मदन 3 दिदीबहिनीमा घरको एक्लो छोरो थिए । मदनका साथीहरुका अनुसार उनको सीए कटेको थिएन । हिजोदेखि सीएको परीक्षा पनि शुरु भएको थियो । त्यसको एकदिनअघि उनको शव भेटिएको थियो ।