Trending News

अर्घाखाँची ढिकुरा रुपन्देही समाजको रक्तदान कार्यक्रम, महामारीमा पनि कयौंले गरे रगत दान

0 Shares

नेशनल लाईव सम्वाददाता, 19 फेब्रुअरी 2021

सामाजिक काममा अग्रसर अर्घाखाँची ढिकुरा रुपन्देही समाजले आयोजना गरेको रक्तदान कार्यक्रममा सोचेभन्दा ठूलो संख्यामा रक्तदान भएको छ । अर्घाखाँची ढिकुरा रुपन्देही समाजको यो दोस्रो रक्तदान कार्यक्रम हो । गत वर्ष यसै फाल्गुण महिनाको ४ गते आयोजना गरेको कार्यक्रममा कुनै एक संस्थाबाट हुने रगत संकलनभन्दा तिनगुणा बढि रगत संकलन भएको थियो ।

यो वर्षपनि त्यसैको हाराहारीमा रगतको संकलन भएको समाजका अध्यक्ष राम प्रसाद पोख्रेलले बताउनुभयो ।

रेडक्रस सोसाईटी बुटवलको ब्लड बैंकमा राखिएको सो रक्तदान कार्यक्रममा समाजका सबै पदाधिकारी र सल्लाहकारहरु सहित साधारण सदस्यहरुको समेत उल्लेखनीय योगदान रहेको थियो ।  रक्तदान कार्यक्रम आयोजना गरेको कम समयमा सोचेभन्दा उत्कृष्ट रुपमा रक्दान–महादान एवं जीवनदानका लागि यति धेरै रगतको संकलन गर्न सकिएला भन्ने सोचिएको थिएन । कार्यक्रमका प्रमुख अतिथि धु्रबराज मरासिनीले भन्नुभयो ।

उहाँले अगाडी थप्दै भन्नुभयो, अस्ति छात्रवृत्ति जस्तो महान कार्यबाट रुपन्देही फर्कनु लगत्तै यसरी उल्लेखनीय रुपमा रक्तदान कार्यक्रम सम्पन्न गर्नु हाम्रो समाजका लागि थप प्रेरणा बन्दै गएको छ ।