Trending News

नव निर्वाचित पत्रकार महासंघको केन्द्रीय समितिलाई भारत शाखाद्वारा शुभकामना

0 Shares

नयाँ दिल्ली, 14 अप्रिल 2021
नेपाल पत्रकार महासंघको केन्द्रीय समितिको निर्वाचन भर्खरै सम्पन्न भएको छ । राज्यको चौथो अंगको रुपमा परिचित संचारकर्मीहरुको छाता संगठन नेपाल पत्रकार महासंघको इतिहासमा पहिलो पटक साधारण सदस्यहरुसम्मले प्रत्यक्ष रुपमा देशैभरी केन्द्र, प्रदेश र जिल्ला स्तरमा निर्वाचन मार्फत समिति गठन गरेका छन् । यसरी पत्रकारहरुले देशको लोकतान्त्रिक व्यवस्थालाई व्यवाहारिक रुपमा संस्थागत गरेका छन् ।

नेपाल पत्रकार महासंघमा आधिकारिक रुपमा करिव १३ हजार भन्दा बढी सदस्यहरु रहेको सो संस्थामा साझा प्यानलले “पेशागत हकहित र श्रमजिवी पत्रकारहरुको पक्षमा अमूल्य मतदान” भन्ने मूल नाराका साथ भाग लिंदै चुनावमा “श्रमजिवी पत्रकारहरुको संस्थामा श्रमजिवी कै नेतृत्व” भन्ने उद्घोषका साथ चुनावको मैदानमा उत्रिएको थियो ।

महासंघको सो चुनावमा विपुल पोख्रेलको नेतृत्व रहेको ११ संगठनहरुको साझा प्यानल अत्याधिक मतको साथ विजय भएको छ । त्यो बाहेक अधिराज्यका विभिन्न जिल्ला तथा प्रदेशहरुमा साझा प्यानलले उत्साहजनक विजय प्राप्त गरेको छ ।

हामी महासंघको निर्वाचनमा विजय प्राप्त गर्ने सबै पदाधिकारी तथा सदस्यहरुले श्रमजीवी पत्रकारहरुको हक अधिकारको रक्षा गर्दै समाजको प्रगतिशील रुपान्तरणको लागि पनि महत्वपूर्ण भूमिका निभाउन कलम चलाउन सशक्त रुपमा अगाडि बढोस् यहि शुभकामना सहित सबै विजेताहरुलाई हार्दिक बधाई तथा शुभकामना व्यक्त गर्दछौं ।