Trending News

गौतमबुद्ध रङ्गशालालाई राष्ट्रिय तथा अन्तर्राष्ट्रिय खेलाडी संघद्वारा सहयोग

0 Shares

चितवन, 23 अप्रिल 2021
राष्ट्रिय तथा अन्तर्राष्ट्रिय खेलाडी संघले चितवनमा बनिरहेको गौतमबुद्ध रङ्गशालामा एक कुर्सी संस्थाको नाममा किनेको छ । शुक्रबार काठमाडौंमा एक कार्यक्रम गरी गौतमबुद्ध अन्तर्राष्ट्रिय रङ्गशालामा राष्ट्रिय तथा अन्तर्राष्ट्रिय संघका पदाधिकारीहरुले कुर्सी किनेको जानकारी दिएका हुन् । धुर्मुस सुन्तली फाउण्डेसनले निर्माण गरिरहेको रङ्गशालामा आर्थिक समस्या भएको र त्यसमा सघाउ पुर्याउने उद्देश्यले संघले कुर्सी किनेको हो । संघले एनएनआइपीए स्पोर्टस अवार्डबाट बचत भएको एक लाख रुपैयाँ कुर्सी बुक गर्न दिएको हो । उक्त रकम बराबरको चेक शुक्रबार आयोजना भएको कार्यक्रममा फाउण्डेसनका सञ्चालक सिताराम कट्टेललाई हस्तान्तरण गरिएको छ ।
करिब तीन अर्वको लगानी रहेको रङ्गशालामा आर्थिक समस्या भएको भन्दै धुर्मुस सुन्तली फाउन्डेसनले विभिन्न अभियान सञ्चालन गरी सहयोग जुटाउँदै आएको छ ।