Trending News

भारतमा रहेका नेपालीहरुबारे नेजस भारत चिन्तित, नेपाल सरकारसँग गर्यो यस्तो माग

0 Shares

काठमाण्डौ, 29 अप्रेल 2021

कोभिड महामारीको दोस्रो लहरका कारण भारतमा रोजगारी गरिरहेका नेपालीहरु मारमा परेपछि नेपाली जनसम्पर्क समिति भारतले नेपालीहरुको जीवन रक्षाको माग गर्दै नेपाल सरकारलाई ज्ञापन पत्र बझाएको छ । भारतमा कोरोना संक्रमण तीब्र रुपमा बढ्दै गएपछि कोभिड १९ बाट प्रभावित भारतमा रहेका नेपालीहरुको जीवन रक्षाका लागि नेजस भारतले प्रधानमन्त्रीको ध्यानाकर्षण गराएको हो ।

वेजस भारतका अध्यक्ष तथा नेपाली कांँग्रेसका आमन्त्रित केन्द्रीय सदस्य बालकृष्ण पाण्डेले एक पत्रमार्फत् भारतमा रहेका नेपालीको जीवन रक्षाका लागि विशेष पहल गर्न माग गरेका हुन् ।

विज्ञप्तिमा भनिएको छ , ‘भारत सरकारसँग भएको स्रोत साधन प्रयोग गर्दा पनि कोरोना महामारी नियन्त्रण बाहिर गैरहेको छ ।हस्पिटलहरुमा अक्सिजन, बेड नपाएर विरामीहरु गल्ली र सडक किनारमा बस्न भारतीय तथा त्यहाँ रहेका नेपालीहरु वाध्य छन्’ ध्यानाकर्षण पत्रमा भनिएको छ, ‘हाम्रो त्यहाँ रहेका नेपालीको जीवन रक्षा गर्नु कर्तव्य नै हो । उनीहरुको जीवन रक्षाको लागि विशेष व्यवस्थाको पहल नेपाल सकारकारले गरोस् । हामी पनि नेपालीहरुको जीवन रक्षा र नेपालमा हुन सक्ने महामारीलाई समयमै व्यवस्था मिलाउन सरकारसँग सहकार्य गर्ने तयार छौं । समयमै भारतबाट आउने नेपाली नगरिकको पिसीआर परीक्षण र सरकारकै मापदण्ड अनुसार नेपाल आउने व्यवस्था मिलाइयोस् ।’

अध्यक्ष पाण्डेले समयमै हामी व्यवस्थापन नगरे नेपालमा महामारी हुनसक्ने कुरामा ध्यानाकर्षण गराउँदै गतवर्षको अवस्था यसपटक अझ भयभित अवस्था देखिएको उनले बताएका छन् । अध्यक्ष पाण्डेका अनुसार भारतको विशेष गरी दिल्लीमा धेरै नेपालीहरु स्वास्थ्यको कारण धेरै पीडित रहेको र पछिल्लो २ हप्तामा मात्रै ३० जनाको मृत्यू भएको छ ।

‘अक्सिजन पाएका छैनन् । हस्पिटलमा भर्ना पाएका छैनन् । अतिनै बिजोग हलत छ । बस व्यवसायीले जथाभावी भाडा असुल गर्ने जस्ता विकृति पनि देखिएको छ । बिगतमा धेरै गुनासो र दूतावासले सरकारले गरेन भन्ने जनगुनासो बारे ध्यानाकर्षण गर्दै र वास्तविक पीडितको सेवाको लागि एउटा रेस्क्यु टिम बनाउने, दूतावास, सबै समाजिक संस्थाहरु, नागरीक समाज, त्यहाँ रहेका पत्रकारलाई समेटेर त्यहीँकै स्रोत साधन प्रयोग गर्ने गरी बनाउदा नेपाली नागरिकले सेवा पाउनेछन् । उनीहरुको जीवन रक्षा हुनेछ । पुनः नेपाल सरकारलाई समयमै ध्यानाकर्षण गराउन चाहन्छौँ ।