Trending News

दिल्लीमा थप एक साताका लागि लकडाउन बढ्यो, लकडाउनले पनि रोकेन संक्रमणको बढ्दो क्रम

0 Shares

नयाँ दिल्ली, 1 मई 2021

दिल्लीमा एक साताका लागि फेरि लकडाउन बढाइएको छ । दिल्लीका मुख्यमन्त्री अरविन्द केजरीवालले शनिवार साँझ एक ट्वीट गर्दै लकडाउन बढाइएको घोषणा गर्नु भएको छ । दिल्लीमा कोरोना महामारीको दोस्रो लहरपछि दोस्रो पटक एक हप्ताका लागि बढाइएको लकडाउन सोमबार सकिदैछ । त्यसअघि दिल्लीका मुख्यमन्त्री केजरीवालले 10 मेसम्म लकडाउन थप एक साताको लागि बढाएको घोणणा गर्नुभएको हो ।

दिल्लीमा महामारीलाई नियन्त्रण गर्न 2 सातादेखि लकडाउन लगाइएको छ । तर यस क्रममा कोभिड रोगीहरुको संख्या लगातार बढिरहेको छ । हिजो एकदिनमा दिल्लीमा 27 हजार नयाँ कोभिड संक्रमित थपिएका छन भने 375 जनाको मृत्यु भएको छ । दिल्लीमा पछिल्लो 24 घण्टामा 25 हजार 288 जना निको समेत भएका छन । दिल्लीमा गत 20 अप्रेलदेखि लकडाउम लागेको छ । हिजो दिल्लीका उपराज्यपाल अनिल बैजल पनि कोरोना संक्रमित हुनु भएको थियो । आज दिल्लीको एक नीजि अस्पतालमा अक्सीजन सकिएपछि 8 जनाले ज्यान गुमाएका थिए । पुरै भारतमा अहिले संक्रमण तीव्र रुपमा बढिरहेको छ । हिजो अहिलेसम्मकै सर्वाधिक 4 लाख 1 हजार 993 कोभिड रोगीहरु फेला परेका थिए ।