Trending News

प्रधानमन्त्री मोदीद्धारा वर्चुअल मिटिंगबाट सम्बोधन

0 Shares

दिल्ली, 17 सितम्बर 2021

प्रधानमन्त्री नरेन्द्र मोदीले शुक्रबार ताजिकिस्तानको राजधानी दुशान्बेमा सांघाई सहयोग संगठन (एससीओ) को शिखर सम्मेलनलाई वर्चुअल मिटिंगबाट सम्बोधन गर्नु भएको छ। मोदीले पाकिस्तानका प्रधानमन्त्री इमरान खान र चिनियाँ राष्ट्रपति शी-जिनपिंगको उपस्थितिमा चरमपन्थीमाथि कडा हमला गर्नुभयो।

मोदीले भन्नु भयो, “मलाई विश्वास छ कि यस क्षेत्रमा सबैभन्दा ठूलो चुनौती शान्ति,  सुरक्षा र विश्वासको कमी संग सम्बन्धित छ र यी समस्याहरुको मूल कारण बढ्दो कट्टरपन्थीकरण हो। अफगानिस्तानमा भर्खरको घटनाक्रमले यो चुनौतीलाई अधिक स्पष्ट बनाएको छ। एससीओले यस बिषयमा पहल गर्नुपर्छ।

प्रधानमन्त्रीले भन्नु भयो,  “यदि हामी इतिहास हेर्छौं,  हामी देख्नेछौं कि मध्य एशियाको क्षेत्र मध्यम र प्रगतिशील संस्कृति र मूल्यहरुको एक गढ भएको छ। शताब्दीयौंदेखि सूफीवाद जस्ता परम्पराहरु यहाँ फस्टाए र यस क्षेत्र र विश्वमा फैलियो। हामी अझै पनी यस क्षेत्रको सांस्कृतिक विरासतमा आफ्नो छवि देख्न सक्छौं। मध्य एसियाको यस ऐतिहासिक सम्पदाको आधारमा एससीओले चरमपन्थी र उग्रवादसंग लड्न साझा टेम्प्लेटको विकास गर्नुपर्छ।

मोदीले यो पनि भन्नु भयो,   भारतमा र एससीओको लगभग सबै देशहरुमा इस्लाम संग सम्बन्धित मध्यम,  सहिष्णु र समावेशी संस्थाहरु र परम्पराहरु छन्। एससीओले उनीहरुबीच बलियो सञ्जाल विकास गर्न काम गर्नुपर्छ। एससीओको बीसौं वार्षिकोत्सवको सन्दर्भमा मोदीले भन्नु भयो,  यो खुशीको कुरा हो कि नयाँ साथीहरु हामी संग जोडिएका छन्। म इरानलाई स्वागत गर्दछु। म तीन नयाँ संवाद साझेदार साउदी अरब,  इजिप्ट र कतारलाई पनि स्वागत गर्दछु।