Trending News

अनलाइन शिक्षाको नाममा भइरहेको लुट र विभेदलाई नियन्त्रण गरि भौतिक कक्षा सञ्चालन गर्न माग:  विप्लव

0 Shares

काठमाडौं, 1 अक्टूबर 2021

नेत्रविक्रम चन्द ‘विप्लव’ नेतृत्वको नेकपानिकट अखिल (क्रान्तिकारी) ले अनलाइन शिक्षाको नाममा भइरहेको लुट र विभेदलाई नियन्त्रण गरि तत्काल भौतिक कक्षा सञ्चालन गर्न माग गरेको छ । हालै सम्पन्न २२औ राष्ट्रिय सम्मेलनका निर्णयका बारेमा जानकारी दिन शुक्रबार काठमाडौंमा आयोजित पत्रकार सम्मेलनमा अखिल (क्रान्तिकारी) ले वैज्ञानिक समाजवादी शिक्षा वैज्ञानिक समाजवादी व्यवस्थामा मात्रै सुनिश्चित् हुने हुँदा वैज्ञानिक समाजवादका लागि एकीकृत जनक्रान्क्रिमा लामबद्द हुन समेत अपिल गरेको छ । पत्रकार सम्मेलनमा नवनिर्वाचित अध्यक्ष प्रकाश शाहीले सम्मेलनले २१औं राष्ट्रिय सम्मेलनबाट प्रस्तावित वैज्ञानिक समाजवादी शिक्षाको प्रारम्भिक खाका प्रस्तुत गरेको जानकारी दिनुभयो । सरकारले जनताको कुनै पनि समस्याको समाधान गर्न नसकेको आरोप लगाउदै उहाले सरकारबाट मुठ्ठीभरका मानिसहरुले मात्र लिइरहेको पनि आरोप लगाउनुभयो ।  उहाले दुर्गम क्षेत्रका विद्याथीहरुको पढाईको स्तर खस्किनुमा  पढ्नलाई भौतिक सुविधा नभएको उल्लेख गर्नुभयो । उहाले देश कोरोना संकटबाट आक्रान्त बनेको बेला संक्रमित सबै नागरिकहरुलाई निःशुल्क उपचारको व्यवस्था गर्नुको साथै सम्पुर्ण नागरिकलाई कोरोना खोपको अनिवार्य व्यवस्था गर्न माग गर्नुभयो । सम्मलेनले प्रकाश शाहीको अध्यक्षतामा ११३ सदस्यीय केन्द्रीय समिति गठन गरेको छ ।