Trending News

नेपाल क्रिकेट संघको आयोजनामा हुने वाई–वाई यु–१९ पुरुष राष्ट्रिय क्रिकेट प्रतियोगिताको पहिलो खेल प्रदेश नं. १ र बागमती प्रदेशबीच हुने

0 Shares

काठमाडौं, 22 नवम्बर 2021

नेपाल क्रिकेट संघको आयोजनामा हुने वाई–वाई यु–१९ पुरुष राष्ट्रिय क्रिकेट प्रतियोगिताको पहिलो खेल प्रदेश नं. १ र बागमती प्रदेशबीच हुने भएको छ । संघले सोमबार काठमाडौंमा पत्रकार सम्मेलन गर्दै प्रदेश १ र बागमतीबीचको खेल मंगलबार टियु क्रिकेट मैदानमा हुने जानकारी दिएको हो । एक दिवसीय फर्मेट तथा राउन्ड रोविनका आधारमा खेलाइने प्रतियोगितामा जम्मा ७ टिमको सहभागिता रहेको छ । प्रतियोगिताका खेलहरु टियु क्रिकेट मैदान तथा मूलपानी क्रिकेट मैदानमा हुनेछन् । मंगलबार नै मूलपानी क्रिकेट मैदानमा गण्डकी प्रदेश र लम्बिनी प्रदेशबीच खेल हुनेछ । प्रतियोगितामा सातवटै प्रदेशहरु– प्रदेश नं. १, बागमती प्रदेश, गण्डकी प्रदेश, लुम्बिीनी प्रदेश, प्रदेश नं. २, सुदुरपश्चिम प्रदेश तथा कर्णाली प्रदेशको सहभागिता रहनेछ । प्रतियोगिताको फाइनल खेल मंसिर १९ गते टियु मैदानमा हुनेछ । प्रतियोगिता अन्तर्गत टियु मैदानमा हुने खेलको प्रत्यक्ष प्रशारण डिस मेडिया नेटवर्कको एक्सन स्पोर्टसले प्रशारण गर्ने आयोजकले जनाएको छ ।