Trending News

चुनावपछि नेकपा एमालेको हाल बेहाल हुने नेकपा एकीकृत समाजवादी पार्टीका अध्यक्ष माधवकुमार नेपालले दावी

0 Shares

काठमाडौं, 24 नवम्बर 2021

नेकपा एकीकृत समाजवादी पार्टीका अध्यक्ष माधवकुमार नेपालले चुनावपछि नेकपा एमालेको हाल बेहाल हुने दावी गर्नुभएको छ । बुधबार जनकपुरधाममा पार्टी प्रवेश तथा प्रदेश कार्यालयको उद्घाटन कार्यक्रमअघि सञ्चारकर्मीसँग कुराकानी गर्दै अध्यक्ष नेपालले जनताले एमालेलाई विश्वास नगर्ने भन्दै अबको चुनावपछि एमालेको अवस्थामा बेहाल हुने दाबी गर्नुभएको हो । उहाँले अहिले केपी ओलीले सूर्यको धाक देखाएर केही गर्न नसक्ने बताउनुभयो । उहाँले नेपालमा रहेका सबै समूदायलाई समान अधिकार दिन प्रतिवद्ध रहेको जिकिर गर्नुभयो । त्यस्तै पार्टी प्रवेश कार्यक्रममा नेपालले, नागरिकता विधेयकमा देखिएको समस्या जति सक्दो समाधान हुने र सम्पूर्ण नेपालीले नागरिकताको हक पाउने बताउनुभयो । त्यस्तै, उहाँले जनकपुर जयनगर रेल सुचारु गर्न सक्दो पहल भईरहेको उल्लेख गर्नुभयो । अध्यक्ष नेपालले प्रदेश २ को स्थायी राजधानी जनकपुरधामलाई बनाउनु नै न्यायोचित हुने भन्दै सहमतिमा प्रदेशको नाम टुङ्गो लगाउनुपर्ने उल्लेख गर्नुभयो । कार्यक्रममा बिभिन्न दलबाट आएका कार्यकर्तालाई एकीकृत समाजवादी प्रवेश गराइएको थियो ।