Trending News

पञ्जाबी गायक सिद्धुको हत्यापछि स्थिति तनावपूर्ण, आज पोष्टमार्टम गरिने

0 Shares

दिल्ली, 30 मई 2022

कांग्रेस नेता तथा पञ्जाबी गायक सिद्धु मुसेवालाको शवको आज पोष्टमार्टम गरिने भएको छ । पञ्जाबी गायक मुसेवालाको  29 मई आइतबार मानसा जिल्लामा गोली हानी हत्या भएको हो। गोली लागेर अन्य दुई जना घाइते भएका थिए भने पञ्जाब सरकारले मूस वालासहित ४२४ जनाको सुरक्षा फिर्ता लिएको भोलिपल्ट यो घटना भएको हो । पञ्जाबका मुख्यमन्त्री भगवन्त मान नेतृत्वको सरकारले भीआइपी संस्कृतिलाई रोक्न भन्दै उनीहरूको सुरक्षा हटाएको थियो । मुस वाला र उनका दुई साथीहरू पञ्जाबको जवाहर के गाउँमा जीपमा चढ्दै गर्दा आक्रमण भएको थियो । मूस वाला गाडीको सिटमा ढलिएको र धेरै रगत बगिरहेको अवस्थामा फेला परेका थिए । उनलाई अस्पताल पुर्याए लगत्तै चिकित्सकले मृत घोषणा गरेको थियो । प्रहरीले यो आक्रमणको जिम्मेवारी क्यानडामा रहेका एक गुण्डाले लिएको जनाएको छ । पञ्जाब डीजीपी वीके भवराले भने ‘उनको हत्यामा लरेन्स बिश्नोई गिरोह संलग्न छ । गिरोहका सदस्य लक्कीले क्यानडाबाट जिम्मेवारी लिएको छ’ ।